واحــد يكتب موضوع من قلبه ... وانواع التحطيم في الرد

السلام عليكم ورحمه الله وبركاته

هذا واحد يكتب موضوع من قلبه ... وانواع التحطيم في الرد .. واحــد يكتب موضوع من قلبه ... وانواع التحطيم في الرد SnipeR%20(54)

واتـــرككم مع الموضوع

لقد جفت اقلامي( عادي نشتري لك واحد جديد )

وتكسرت مجاديفي( حاول تسبح او خليك في القارب لحد مايجيك احد يساعدك)

سأبقى هنـا حتى مغيب الشمس ( اقول قول بسم الله ورح البيت ما فيه الا الخير )

لن ادعى الاحزان تأخذني (وش تبغى فيك علشان تأخذك مالت عليك)

لقد أبحرت وعبرت المحيطات بدون قارب ( بلاش كذب.. والله انكـ عبرتها سباحة وعلى ظهركـ )

لقد جمعت آهات الحزن وحنين الالم (وش رايك لو تجمع طوابع البريد احسن لك)

هكذا الدنيا تدور وتدور ( نعرف ان الدنيا تدور من غيرك , ماجبت حاجة جديده )

فذاك المكان كنت اجلس واتامل اوراق الخريف ( الناس في الصيف وانت قاعد تتأمل)

نظرت لها وهي تسقط وتتناثر( مافكرت تجمعها مثل ماجمعت آهات الحزن وحنين الالم)

اني اسمع تكسرات عظامي( اكيد ماتشرب حليب , ذبحك الديو والبيبسي )

ان عظامي تتكسر ووتهشم( اكيد عندك صداع في العضلات )

انظر هناك خلف الافق( نظرنا وش فيه .. ؟؟ )

هناك حيث الامــل وحيث الحيــاة (لوحدهم .. ؟ , ولا احد معاهم )

انظر الى تلك الفراشة اليافعة النحيلة الهزيلة وهي تطير ( فكرتها تسبح)

سوف اعلن للعالم (اعلن بس تكفى لا تصيح الله يخليك )

سوف اعلن للعالم ان الابداع قد مــات ( مره وحده , مآآت )

سوف اعلن ان هناك من يقتل الابداع ( اذا انت الابداع فقتلك حلال )

سوف اقف امام كل الاعداء(الله يقويك انت اوقف وحنا معاك )

سوف اوقف زحف الاقلام التي تحارب قلمي( تكفى ياروبن هوود )

من قال ان الابداع مات ( أنت قلت قبل شوي , ولا غيرت رأيك )

سوف اريهم من انا ( والله منت سهل )

انا القلم الذي اكتب بلا خوف (بسم الله عليك , ايش هـ القوووه )

انا القلم الحــر (حر والا اسيـــر .. ؟؟ )

سوف اكتب في كل مكان (انتبه لا تكتب عَ جدار البيت)

اما زالت اقلامي جافة ..؟؟ ( ترى ازعجتنا انت وقلمك خذ لك قلم رصاص وريحنا )

هل مازلت تايه في معمعة الايام .. ؟؟ (اللي يسأل مايضيع )

سوف احقق كل اهدافي( بس انتبه لا تطلع تسلل )

ماقد بنيته بالامس سوف اهدمه اليوم(البلدية الي راح تهدمة .. في احد يبيني استراحة وسط احياء سكنية .. ؟؟ )

انا كنت ولا زلت وسوف ابقى (هذا درس في القواعد .. ؟؟ )

وسوف تبقى ابداعاتي تدوم وتدوم وتدوم (قاعد تسوي دعاية لصابون فيري )

نحن لا نفهم (تكلم عن نفسك يـ ابو الشباب لاتعممـ )

الى متى ونحن هكذا(الين يفرجها الله )

يالي تكتب بين الاقواس اهجد (طيب ابشر بس كمل ..كمل )

كل المواضيع التي لاتحمل معنى فهي ليست ابداع (متــأكد .. !! )

نعم متأكد بس من قال لك هذا .. ؟؟ (انت من اول تتكلم والان تقول من قال لك هذا)

من قال ان الكلام الذي بلى معنى ليس ابداع ( والله اني داري من زمآآن انكـ مضيع الطاسه )

كنت امزح ( بالله تستخف دمك .... مالت عليك)

دعنا نكمل

كل الايام متشابهه ولكن تختلف في الاسماء(كلام صحيح)

كذلك السنين متشابهه(بس السنين مالها اسماء , يعني قلنا كلامك صحيح صدقت نفسك)

كذلك الوجوه متشابهه (يمكن في الصين تتشابه بس هنا تختلف)

كذلك الامــاكن متشابهه (ترى كثرت من كلمة متشابهه حاول تغير الموضوع)

لو كنت اقف بجانب هذا الزمان الصعيب لكنت شبيه له من كثر احزاني(خليك ولا تتحرك بـ اخذ لك مع الزمان صورة )

يالي بين الاقواس اهجد وخلينا نوصل المعنى للاخوة الاعضاء بدون تريقة.اوكي (اوكي)

عندما تاتي بكل الحب وتقدمه للاخرين ثم تنصدم(اكيد كنت مسرع وقاطع اشارة )

وقتها تعرف ان الحب بين الناس قد ضاع(تبغى احد يدور معاك .. ؟؟)

هل هذا الزمان هو زمان الحب بعد الضيــاع .. ؟؟( لا حول ولا قوة الا بالله , ايش دخل مسلسل سنوات الضياع .. ؟؟)

هل هناك شي اسمه حب (يـ ابو الشباب انت وش تبغى .. ؟؟)

لقد تشربت عروقي من اليأس والاحزان ( يآ ليتـ )

وبدأت مدامعي تنهمر مثل الأمـطار (اللهم زد وبآركـ )

بعد هذا الجهد والعناء سوف اقف على قدم وساق (خلها عَ راسكـ احسن )

سوف اقف وابتسم في وجه الايام الحزينة(ماصارت حزينة الا منك)

واقول لهــا (بتقول لها بشويش ولا بتصرخ)

لا بشويش

سوف اقول لهذة الايام الحزينة ارحلي (طيب حجزت لها اوكي ولا تبي تخليها انتظار)

لا حجزت لها اوكي

سوف ادعها ترحل وسوف ابقى انا هنــا ( لأ لأ كذا بتصير خآين )

سوف انتظر احزان الاخرين لأخبرهم كيف يرحلوا عنها ( صرت معلم انت ووجهكـ )

نحن نهرب من قسوة الايام وجور الزمان ( طلعت الايام قاسيه من ورانــآ )

ولكن لم نفكر يوم ان نعلن للحزن والأهات بأننا اقوياء ( الإعتراف بـ الحق فضيله )

كم تجرحت مشاعرنا من اناس نحبهم ( وكيف ما متـ )

لأننا حساسون وطيبون او اننا غير مرغوبين لديهم ( والله ما عرفت من الطيبه ذره يـ ابو وجهينـ )

ولكن لم نفكر في يوم ان نبادلهم بنفس الشعور من القسوة ( صــح يا قوي , محد قدكـ )

هذه الايام تجري ونحن فيها نبحر بلا وجهه ولا اتجاه ( ياخي انت جالس تكلمـ مين .. ؟؟ )

(( انكفشت يـ ذكي , هذا الكلام مقتبس من كتاب العلوم يـ ابو الشباب ))

يـ اخوي تراك فضحتنا

( كذا الايام , يوم لكـ ويوم عليكـ )

........................

ان شاء الله الموضوع حـآآز عَ اعجابكمـ

تح ــيــــااتي

تسلمي على الموضوع

ههههههههههههههه
حلوه
مشكورة على الموضوع

يسلموو عـ المرور
!/

خخخخخخخخ حلووووووووووووووه
لوووووول
يسلمووووووووو على الموضوع

ههههـ ردود محطمة و قوية واحــد يكتب موضوع من قلبه ... وانواع التحطيم في الرد 898595

مشكورين على المرور
/!